Target ni outgoing Bangko Sentral ng Pilipinas (BSP) Governor Benjamin Diokno nga isuhestiyon ro pagpatuman it dugang nga buwis.
Suno kana nga una anay nana nga pagatutukan ro debt sustainability sa oras nga magsueod bilang Finance Secretary sa Bongbong Marcos administration.
Ginatumod ni Diokno ro fiscal consolidation plan nga ginsuhestiyon it DOF ag gin-insister nga kinahangean nga makatipon ro incoming administrations it P249 billion pesos nga dugang nga annual revenues sa masunod nga napueong dag-on agud nga mabayaran ro makasaysayang P3.2 trillion pesos nga dugang nga utang bangud sa COVID-19 pandemic.
Nasayuran nga lomobo pa ro utang it gobyerno it Pilipinas sa record-high nga P12.68 trillion pesos as of end-March, bangud sa padayun nga pag-loan agud nga mapabaskog ro away kontra sa COVID-19 pandemic.
Samtang, bilang masunod nga Finance secretary, ginpahayag ni Diokno nga gusto nana nga ipabilin ro kaabuan sa mga undersecretaries ag si National Treasurer Rosalia “Lea” De Leon.
