Pagapadayunon it Bangko Sentral ng Pilipinas (BSP) ro hugut nga monetary policy kara agud nga mapugngan nga mas pang magsaka ro inflation rate sa nasyon.
Raya ro pahayag it BSP kasunod it pagtaas it key policy rate it US Federal Reserve it 75 basis points agud nga mabaeabagan man ro inflation.
Ro monetary policy ukon interest rates hay gingamit it central bank it sangka nasyon agud nga ma-estabilize ro inflation pinaagi sa pagkontrol sa suplay it kwarta ag pagtaas it balor sa pag-utang kara.
Pinaagi kara hay mapilitan ro mga consumer ag mga negosyo nga bawasan ro andang paggastos it kwarta rason nga nabawasan man ro paghueag it ekonomiya nga magaresulta sa ulihi sa pagnaba it presyo it mga baeak-eon.
Ko raya nga buean eamang hay nagpataas ro BSP it 75 basis points sa key policy rates rason nga nagsaka halin sa 2.75% paagto sa 3.25% ro interest rate sa nasyon.
