Sangka maisot nga templo sa Thailand ro temporaryong ginpasarado bangud nga nagpositibo sa drug test ro tanan nanda nga monghe.
Nagpatigayon it raid ro mga pulis ag health officials it Phetchabun province sa sangka maisot nga Buddhist temple sa Bung Sam Phan district ko Nobyembre 28 bangud sa sangka tip nga nabaton nanda.
Matapos nga magpaidaeum sa urine test ro tatlong monghe kaibahan ro andang abbot, nagpositibo ro tanan sa mga raya sa paggamit it ilegal nga droga.
Insigidang na-disrobe ro ap-at nga monghe ag na-expel sanda sa Buddhist monkhood rason nga owa it naaywann sa templo para magbantay ag magpadaeagan kara.
Nagakabaeaka ro mga residente it Bung Sam Phan bangud nga naubos eon ro mga monghe nga nagadumaea it mga religious functions sa andang komunidad.
Mag-eowas kara, nagakabaeaka sanda nga owa it magabantay sa templo kun sa siin may mga antigong imahen ni Buddha.
Owa man it may maga alaga sa mga ayam ag kuring nga naga istar idtu.
Bangud sa nasambit nga mga concern it mga residente, ginapromisa it monastic chief it Bung Sam Phan district nga insigida sanda nga magtaeana it mga bag-ong monghe sa nasambit nga templo.
