Nakalista ro national government it budget deficit ukon kakueangan it pondo nga umabot sa 146.8 bilyon pesos ko nagtaliwan nga Mayo.
Apang suno sa Bureau of Treasury, mas manaba raya it 26.72% halin sa 200.3 bilyon pesos nga budget deficit ko Mayo 2021.
Suno sa Bureau of Treasury, ro nagnaba nga budget deficit hay tuga it mabahoe nga kinita it gobyerno nga ginsundan it manaba nga gaeastuson .
Ko nagtaliwan nga buean it Mayo, nag abot sa 304.9 bilyon pesos ro kabilugan nga kinita it gobyerno kumpara sa 256.4 bilyon pesos nga nakolekta ko Mayo 2021.
Nasayuran nga 40% kara hay halin sa buwis samtang ro 10% hay halin sa non-tax revenues kapareho it remittances it PAGCOR ag iba pang charges nga ginasukot it nagkaeain-eain nga ahensya it gobyerno.
Sa kabilugan nga koleksyon it buwis, 216.6 bilyon pesos ro naghalin sa Bureau of Internal Revenue (BIR), samtang ro 66.3 bilyon pesos hay naghalin sa Bureau of Customs (BOC).
