Budget deficit ‘kontrolado,’ Kita aabot sa ₱7.1T pagsapit ng 2030 – DOF

Sinabi ni Finance Secretary Ralph Recto na nananatiling “manageable” ang fiscal deficit ng bansa matapos umabot sa ₱765.5 bilyon sa unang kalahati ng taon.

Sa pagharap niya sa Kamara noong Agosto 18, binanggit ni Recto na nasa 5.7% ang deficit-to-GDP ratio, malapit sa target na 5.5% para sa buong taon.

Inaasahan din ng DOF na tataas ang kita ng pamahalaan hanggang ₱7.1 trilyon pagsapit ng 2030, batay sa kanilang economic outlook.

Kung ikukumpara sa kapitbahay na bansa, mas mababa ang depisit ng Malaysia (4.5% ng GDP) at Indonesia (1.8%), habang nakapagtatala ng surplus ang Singapore (0.4%) at Vietnam (10.4%).