Ginpahayag ni Department of Agriculture Secretary Francisco Laurel Jr. nga ‘approved in principle’ eon ro proposisyong buffer fund nga magamit para sa pagbakae it bugas ag iba pang agricultural products para sa stockpiling nga pwedeng ibaligya sa mas barato nga presyo engkasong makaangkon it kakueangan sa suplay ukon para makontra ro manipulasyon sa presyuhan.
Sa makaron suno sa opisyal, ginatan-aw nanda kon sa siin pwede boe-on ro pagagamiton nga pondo apang sigurado sigon sa masunod nga dag-on hay makabuoe eon it P5 billion pesos nga buffer fund.
Madumduman nga ko buean it Abril, ginhinyo it DA kay Pangueong Ferdinand Marcos Jr. nga taw-an ro ahensiya it buffer fund nga pambakae it bugas ag iba pang agri products nga igabaligya sa kaulihanan sa mas barato nga haega sandig sa Section 9 it Price Act.
