KALIBO, Aklan–Mabahoe ro pagpati it mga residente sa Barangay Ochando, New Washignton nga isaeang ka buhawi ro nag-agi sa andang lugar kahapon nga adlaw.
Raya hay matapos nga makaangkon it pilang ka mga kasamaran ro andang panimaeay ag pananom tuga it mabaskog nga paghuyop it hangin.
Suno kay Punong Barangay Danilo Regalado Sr. it Brgy. Ochando, New Washington nga pinasahi ro andang naexperiensyahan nga kabaskog it hangin kahapon nga adlaw kun sa siin mingko gina-agyan sigon it eroplano ro andang bungbungan.
Dugang pa kara nga may nailista sandang tatlong ka mga panimaeay nga partially damage.
Ginabana-bana nga nagbuhay it kapin sa 5 hasta 10 minuto ro nasambitan nga buhawi.
Sa pihak nga parte ginsaysay man ni Marilyn Florita ag residente it nasambitan nga lugar kung paalin nga ginsamad it buhawi ro andang atop it baeay.
Suno kana nga grabe ro kabaskog it hangin ag nagapati imaw nga buhawi raya bangud ginpatiyog tiyog pa ro andang baea.
Pagguwa man sigon nanda itandang baeay hay nakabatyag pa sanda nga mingkon ginahakwat it hangin.
