Ginkumpirma it federation of livestock, hogs and poultry raisers nga pwede makasueod ro buhi nga baboy sa probinsya it Iloilo halin sa Aklan.
Ginpaathag it presidente nga si Engr. Jun Agravante nga kon parehong red zone ro mga lugar hay libre eon nga magtransport it sapat basta may nagakaigong legal nga dokumento.
Apang, kinahang-ean nga sa eksakto man nga presyo ro pagbakae it mga ahente.
Raya hay kasunod sa reklamo it mga hog raisers sa masyadong manaba nga presyo sa pagbakae it andang mga sapat.
Ginareklamo it mga raya nga kapin sa P50 pesos ro kada kilo it live weight ag ro nayon hay ginabuoe eon lang it P30 pesos ro kada kilo.
Apang, doble ro baligya it mga ahente sa andang buyer nga ginadaea sa Iloilo.
Angot kara, ginpahayag ni Engr. Agravante nga nakakita sanda it buyer sa kasarangan man nga presyo nga inde ikalugi it mga hog raisers.
