BALITANG ESPESYAL — Eubus nga nasakitan ro sangka bag-ong kasae nga babaye bangud sa desisyon it anang mister nga ibalik imaw sa anang mga ginikanan pagkatapos it andang honeymoon sa sangka probinsiya sa Mindanao.
Raya hay matapos nga matukiban sigon it mister nga bukon eon it virgin ro anang napangasawa sa unang kahigayunan nga sanda hay nag-sex.
Masyado suno kana nga non-chalant ro babaye nga matsa owa nakabatyag it anuman nga sakit kun sa siin owa nana raya nabatian nga naghambae it aray ag owa man imaw it nakita nga mga blood stains ukon dugo.
Pagkatapos it honeymoon hay owa eon sigon it gana kana ro eaeaki hasta nga nagtaliwan ro pilang mga inadlaw nga owa eon it may natabu kanda ag gin-uli eon imaw sa anang pamilya.
Nasayuran nga sa sueod it an-um nga dag-on nanda nga relasyon hay gin-preserve it eaeaki ro virginity it anang nobya agud nga exciting sigon ro andang first night bilang mag-asawa.
Apang nadismaya imaw bangud nga ginpa-asa ag gintraidor eamang sigon imaw it anang napangasawa nga makaron hay gusto eon nana nga bueagan.
Samtang, aminado mat’a ro babaye nga naitau eot’a nana ro anang pagkababaye sa anang unang nobyo ag pilit nana nga gintago ro kamatuoran sa anang napangasawa bangud nga mag-eowas nga gwapo hay may ikasarang ro anang pamilya.
Owa man sigon nana ginaeauman nga magaresulta sa pagbueag nanda ro anang pagtago it matuod.
