Ro asu tuga it pagkasunog it tabako, ag bukon it nicotine, ro matuod nga rason it pagmasakit ukon pagkamatay it mga naga-sigarilyo, suno sa mga eksperto.
Suno sa daywang cancer experts, peligroso sa ikamayad nga eawas it tawo ro pagsunog it tabako ag paghanggop it asu kara.
Suno kay Dr. Peter Harper, sangka oncologist sa Guy’s and St. Thomas Hospital sa London, nagasigarilyo ro mga tawo para sa nicotine, apang nagakamatay bangud sa asu halin sa ginsindihan nga tabako nga may init nga eagpas sa 350 degree Celsius.
Suno kay Dr. Harper, naga-aywan it asu ag abo nga may mga toxic ukon peligrosong chemicals ro pagsindi it tabako.
Ro mga raya ro ginasugid nga rason it sakit sa baga ag cancer.
Samtang, ro exposure sa carcinogen halin sa asu it sigarilyo ro matuod nga rason it cancer.
Ro mas mataas nga exposure sa carcinogen hay nagatau it mas mabahoe nga peligro sa pag angkon it cancer.
Agud nga malikawan ro cancer ag sakit sa baga, ginlaygayan it mga eksperto ro mga nagasigarilyo nga tun-an ro konsepto it tobacco harm reduction ukon THR.
