Plano it Philippine National Police nga pangayuon ro bulig it mga security guard para magsirbing “mata ag dueunggan” kara agud nga makabulig sa pagpamayad it kalinong ag kaayusan kamana man nga makasabat sa iba pang problema sa seguridad.
Raya ro ginpahayag ni Civil Security Group director Maj. Gen. Edgar Alan Okubo sa closing ceremony para sa Basic Information Collection and Analysis Seminar para sa mga pribadong ahensya it seguridad sa Camp Crame Quezon City.
Gindugang pa it CSG chief nga raya hay importante agud nga masabat ro mga kakueangan sa impormasyon ag paggamit it mga security guard sa pagtumod ag pag-report it mga anomalya, kapareho it mga isyu nga may kaangtanan sa national security, internal security operations, terorismo, espionage, smuggling, drug trading, illegal Philippine offshore gaming operators (POGOs) ag iba pa.
Base sa datos it CSG, may una nga kapin sa 575,000 security guards sa bilog nga nasyon nga pwedeng magpabahoe sa pwersa it PNP sa andang peace and order ag law enforcement duties.
Ginpahayag pa ni Okubo nga ro BICAS hay pagahimuon sa bilog nga nasyon agud nga masakop ro tanan nga mga security guard.
