KALIBO, Aklan–Nabaton eon it pilang 4Ps beneficiary ro P500 nga bulig pinansyal bilang bulig it gobyerno kasunod it padayun nga pagtinaas it presyo it mga baeak-eon sa nasyon.
Raya hay matapos nga magsueod eon ro Targeted Cash Transfer (CTC) ko nagtaliwan nga dominggo.
Suno kay Beverly Salazar, Provincial League it 4Ps nga direktang iga-deposito ro kwarta sa cash card it mga benepisyaryo.
Ro una sigon nga gintao hay sa sueod it daywang buean halin Abril hasta it Mayo nga nagabalor it P1,000.
Ro nasambit nga bulig pinansyal it gobyerno hay magabuhay it hasta Setyembre.
Ro iba sigon nga kabanwahanan nga owa it available nga ATM it Land Bank of the Philippines hay andang gin-schedule para sa pag-release.
Tuyo kara nga malikawan ro pagbuhos it mga 4Ps member sa bangko.
