Nagbuga ro bulkang Taal nga madamoe nga plume nga nagaabot sa 600 metro nga naadto sa Nabagatnan-Nakatungdan nga direksyon, base sa obserbasyon it Philippine Institute of Volcanology and Seismology (PHIVOLCS) sa nagtaliwan sa sueod it 24 oras.
Uwa man it nailista nga volcanic earthquakes halin sa bulkan.
Raya hay sa tunga it namonitor nga pagtaas sa real-time seismic energy measurement halin sa bulkan halin ku Enero 4.
Ku gabei it Lunes, Enero 6, nakalista bulkan it minor phreatomagmatic eruption.
Samtang, ulihing nakapag-generate it asupre ro bulkan ku adlaw it Lunes, Enero 6 nga una sa 4,188 tonelada.
Sa presente, nagapabilin sa Alert level 1 o low level unrest ro bulkan.
Ngani padayon gihapon ro pagpadumdom sa publiko nga bawae magsueod sa Taal volcano island nga ginkabig nga permanent danger zone pati man nga bawae ro pagpaeupad it sakayang pangkahawaan maeapit sa tuktok it bulkan bangud sa risgo it gulpihan nga pag-eupok ag nagkaeain-eain nga aktibidad halin sa bulkan.
