KALIBO, Aklan—Ginklaru it Highway Patrol Group ukon HPG-Aklan nga ro mga bulkitan eamang sa kilid it national highway nga owa it nagakaigo nga parking area ro target it andang nagapadayun nga survey.
Suno kay P/staff Sgt. Reyniel Bartolome it HPG-Aklan nga raya hay base sa mandu ni Aklan Police Provincial Director P/Col. Esmeraldo Osia Jr. para sa maayos nga pagpatuman it direktiba ni Pangueong Rodrigo Duterte nga ibalik ro mga public roads sa tawo.
Ro tikang hay kaparte man it ginapatuman nga traffic discipline zone.
Ginpahayag nga owa it bastante nga parking space ro mga vulcanizing shop rason nga ro mga sidewalks sa prente ro ginahimo nga exclusive parking spaces.
Dugang pa kara nga ro mga negosyo kapareho it vulcanizing shops hay indi dapat sa prente it kalye bangud nga ginahimo nga workplace ro kilid it karsada nga makabig nga peligroso sa mga customer kara.//
