KALIBO, Aklan—Gina-engganyo it Bulwang Association of Persons with Disability ro publiko nga makiparte sa andang igapatigayun nga proyekto sa Mayo 1.
Suno kay Mark Janiz Salvilla, presidente it Bulwang Association of Persons with Disability nga rayang inisyatibo hay sa bulig man it kapareho kara nga may kapansanan kun sa siin nagdonar sanda it mga nagkaeain-eain nga klase it tanum.
Ro proyekto hay may temang “TANUM: Ibaligya, Bugna ag Kita, Grasya sa may pagkamaeuya”.
Ginakangakay man kara ro mga plant enthusiast nga magtambong sa andang aktibidad ag magbakae it mga tanum sa barato nga presyo.
Ro kwarta sigon nga andang matipon sa rayang proyekto hay maga-diretso sa pondo it andang asosasyon nga pagagamiton sa nutrition, health ag wellness it kapin sa 130 nanda nga mga miyembro.
Angot kara, bukas sigon sanda sa pagbaton it mga gina-donate nga tanum hasta Abril 30.
Maga-umpisa ro aktibidad pasado alas-8 it agahon sa maabot nga Mayo 1 sa Brgy. Bulwang Multipurpose Pavement sa banwa it Numancia.
