Nakaisip it pamaagi ro sangka driver it “rickshaw” ukon bersiyon it tricycle sa India agud nga indi masyadong mainitan ro anang mga pasahero.
Base sa report, ginasugid nga bangud sa sobrang init it paniempo sa india, naisipan it trike driver sa New Delhi nga si Mahendra Kumar, nga tamnan it mga tanum ro bungbungan it anang saeakyan.
May una nga 25 nga klase it tanum sa bungbungan it tricycle ni Kumar ag edible ukon puwedeng kaunon ro pila sa mga raya.
Bangud sa mga tanum, owa sigon direktang nagatagos sa bungbungan it tricycle ro init it adlaw.
May mini-fan man si Kumar sa sueod it anang saeakyan.
Aprubado man sa mga pasaherong kapareho ni Maya Bisht ro gin obra ni Kumar sa anang saeakyan.
Ko nagtaliwan nga Marso, naexperiensiyahan it India ro pinakamainit nga tiempo sa nagtaliwan nga sang siglo.
