Bungguan it tricycle ag pick-up: 1 patay

KALIBO, Aklan — Patay ro driver it tricycle matapos nga bungguan it sangka pick-up sa national highway nga sakop it Brgy. Botbot, Pandan, Antique.

Nakilaea ro namatay nga si Zerafin Buaya,  82, ag residente it nasambit nga lugar.

Base sa report,  madueom sigon sa nasambit nga lugar ag medyu madasig ro daeagan it pick-up nga ginamaneho ni Novella Tumbucon, 70, sangka retiradong ophthalmologist ag residente it Brgy. Naisud, Ibajay rason nga owa nana nataeupangdan ro tricycle sa anang unahan.

Bangud sa kabaskog it pagbangga, inapok ro biktima nga naging rason it anang hinali nga kamatayon.

Nakaangkon it settlement sa tunga it magtimbang nga parte pagkatapos nga matabu ro aksidente.