NATIONAL News – Nagaabot eun sa 204 apprehensions ro nahimo it Bureau of Custom(BOC) makarong dag-on nga nagresulta sa pagkakakumpiska it hasta P41.58 billion.
Kaibahan sa mga produkto nga nahimo nga makumpiska hay ro mga ginpuslit nga sigarilyo, mga produktong petrolyo, agricultural products, ag iba pang smuggled ag pekeng mga produkto.
Sa mga nakumpiskang sigarilyo, nagaabot sa 8,816 cases ro nahimo kara nga masabat ag ginabueabanta nga nagakahaega it P595.22 million.
Ro mga mga agricultural products nga ginhana nga isueod sa Pilipinas apang nabaeabagan hay ginbanta nga nagakahaeaga it P100 million.
Suno pa sa BOC, resulta raya it maeaparan nga anti-smuggling campaign it ahensiya, kadungan it pagbantay sa mga pantalan, pwerto, ag iba pang point of entry.
Una man nga ginreport it ahensiya nga naeampasan eun kara ro revenue collection target sa unang ag tunga nga bahin it 2024 it hasta 2.98% kung siin naisueod kara ro hasta sa P455.8 billion halin January hasta June.
Raya hay katumbas it P13.18 billion halin sa target collection nga P442.62 billion.
