KALIBO, Aklan–Preparado eon ro Bureau of Fire Protection ukon BFP-Aklan sa “Oplan Lakbay Alalay” makaron nga Semana Santa.
Suno kay FO2 Mark Alvin Patricio, Public Information Officer it BFP-Aklan nga pinaagi sa ‘oplan lakbay alalay’ hay nagatau sanda it bulig ag seguridad sa mga biyahero kamana man sa mga pumueuyu nga naga-agto sa mga simbahan ag iba pang lugar nga kaeabanan nga gina agtunan kara kuwaresma.
Ko Marso 21 pa sigon sanda nag-deploy it mga tawuhan sa simbahan sa mga gintukod nga assistance center kabulig ro military, pulis, DPWH, LGUs ag iba pang volunteer teams.
Bbangud sa ginapangatubang nga covid 19 pandemic, hugut nanda nga ginabantayan sa mga terminal ag national highways ro ginapatuman nga health and safety protocols partikular ro pagsuksok it face mask, face shield ag physical distancing.
