Burial ground sa Kalibo municipal cemetery nga puno it tubi, nakaabot eon sa inugtaeopangod it engineering office it LGU

KALIBO, Aklan—Ginpaabot eun sa Engineering’s Office it banwa it Kalibo ro ginakabaeak-an it mga pomoeuyo nga pagkapuno it tubi  sa gina-ubra nga burial grounds sa Kalibo municipal cemetery para sa mga nagakamatay nga pasyente bangud sa coronavirus disease ukon covid-19.

Suno kay Municipal Planning Coordinator Engr. Marlou Villanueva nga ginpasiguro eun it nasambitan nga taeatapan nga makahimo it tikang sa nasambitan nga isyu kamana man nga makabutang it signages agud nga ma-impormahan ro publiko sa madaeum  nga tubi nga natipon   agud nga malikawan  ro nagkaeain eain nga klase it insidente ag aksidente.

Ginpasiguro dugang kara nga   kung may igaeubong ag pagagamiton eun ro nasambitan nga kutkot hay pagasag-ahan anay raya antes nga butangan.