KALIBO, Aklan—Ginaeauman it business sector sa isla it Boracay nga maabo ro nakapahaom nga plano ag programa it bag-ong set it officials it probinsya it Aklan para sa uman nga pagpasanyog ag pagpabaskog it industriya it turismo sa isla it Boracay.
Suno kay Elena Brugger, chairman it advisory council it Philippine Chamber of Commerce Industry ukon PCCI Boracay nga looking forward sanda nga makapasueod ro gobyerno probinsyal it international tourist agud nga bukon eamang it mga five star hotel ukon business establishment ro padayon nga maga-operate kundi maging ro mga small and meduim enterprise ukon mga maintok nga negosyo sa isla hay mabuhi it uman.
Mahimo eamang sigon raya kon makaangkon it international flights sa Caticlan airport kamana man makaangkon it programa nga maka-cater it maabong international tourist maskin nga una gihapon ro bilog nga kalibutan sa tunga it pandemya.
Sa makaron suno kana hay domestic tourist ro nagaarangkada sa isla ag daya makaron ro mabahoe nga numero it tourist arrival sa first quarter it dag-on 2022.
