Kalibo Aklan —-Nagapabilin nga normal ro byahe it mga Ceres bus sa pihak it ginpatuman nga community quarantine sa Aklan ag iba pang probinsiya sa Isla it Panay tuga it paeag it coronavirus disease (COVID-19)
Suno kay Raffy Palmani, sangka dispatcher sa nasambit nga bus terminal nga regular pa ro andang byahe makaron , apang nakaangkon it sangkiri nga adjustments sa oras it byahe tuga it sangkiri nga pasahero.
Bandang alas-2:30 it aga-aga ro andang first trip halin sa Iloilo paagto sa Aklan ag raya hay magapabilin hasta nga owa it stoppage order ro andang higher management.
Nataeupangdan sigon ro pagnaba it numero it mga pasahero nga naga-agto sa Iloilo ag Aklan .
Samtang, gindugang pa kara nga dere-deretso man ro biyahe it andang mga bus, apang may sangkiri nga delay sa mga border checkpoints agud nga matan-aw ro body temperature it kada pasahero gamit ro handheld nga thermal scanner .
Hugut man sigon nanda nga ginapatuman ro one-set-apart nga set-up sa sueod it bus bilang pagsunod sa mandu nga social distancing .
Problema man nanda ro kawad-an it supply it hand sanitizer ag alcohol rason nga indi maka-provide sa andang mga pasahero antes nga makasaka sa andang mga bus.
