Dapat limitahan ro byahe it mga eroplano sa Godofredo P. Ramos Airport sa Caticlan, Malay agud nga ro ibang pasahero maskin nga paadto sa isla it Boracay ro andang destinasyon hay iya gihapon mahugpa sa Kalibo International Airport.
Raya ro panugyan ni Atty. Harry Sucgang kasunod sa plano nga pagbaton it international flight sa Caticlan Airport.
Agud nga ma-properly distributed ro income sa bilog nga probinsya it Aklan hay kinahang-ean nga makaangkon it pag-istorya sa tunga it provincial government, lokal government unit, airline companies ag mismong sa nagadumaea it Caticlan Aiport nga si Ramon Ang sa idaeom it San Miguel Corporation.
Engkaso sigon nga magapadayon ro kalakaran sa nasambit nga paeoparan hay madueaan it income ro KIA nga ginapadaeagan it gobyerno probinsyal.
Mas magaganar it husto ro pribadong sektor rason nga kinahang-ean nga maistoryahan ag maistudyuhan it mga natungdan ro nasambit nga isyu.
