Amat-amat eon nga nagabalik sa normal ro byahe it mga tricycle sa banwa it Kalibo kasunod it pagbalik sa eskwelahan it mga estudyante.
Apang, kasunod kara hay ro pagtuhaw man it pila ka mga reklamo matapos nga may pilang tricycle drivers nga uwa nagata-o it diskwento sa mga estudyante halin sa regular kara nga panueoktan it pamasahe.
Suno kay KAPETODA president Antonio Nama, ginaeauman nanda nga matalakay eon sa sangguniang bayan ro andang hinyo nga pataasan ro pamasahe halin sa 12 pesos para sa regular commuters ag 9 pesos para sa mga estudyante.
Aminado sanda nga maskin maabo eon ro pasahero hay kueang gihapon ro andang kita bangud sa uman nga pagtaas it presyo it gasolina.
Panawagan nanda sa mga commuters nga kunta maintindihan man ro andang sitwasyon bangud nga may pamilya man sanda nga ginasuportahan ag may estudyante nga ginapatun-an.
Madumduman nga nakaabot eon sa SB Kalibo ro reklamo it mga estudyante matapos nga uwa sanda ginataw-an it 20 porsyento nga diskwento sa pamasahe
