KALIBO,Aklan– Kanselado ro byahe it tanan nga sakayang pandagat maghalin sa Caticlan to Batangas ag Caticlan to Romblon vice versa.
Raya hay bangud gihapon sa epekto it Bagyong Egay nga nagapanaeasa sa ibang rehiyon ag probinsya sa nasyon.
Ginpaathag ni Senior Chief Petty Officer Dominador Salvino it Philippine Coast Guard ukon PCG Aklan nga ro nasambit nga abiso hay para sa kaeowasan it tanan nga mga byahero bangud nga delikado para sa mga motorbanca ag ro-ro vessel nga mag-eayag bangud sa mabaskog nga baeod sa kaeawran.
Bangud kara, ro mga stranded nga pasahero hay nagpataliwan it gabie sa Caticlan jetty port samtang ro iba hay nag-usoy it temporaryong madayon nga hotel hasta sa pwede eon ro mga raya nga magbyahe.
Mag-eowas kara, ginpahayag dugang ni Salvino nga temporary man nga ginsuspinde ro mga water sports activities sa isla it Boracay bangud sa mabaskog nga hangin ag baeod nga delikado gid para sa mga turista.
