Ginaeauman ro pagdugso it mga naga uli nga locally stranded individual ukon LSI, authorized person outside the residence (APOR) ag returning overseas Filipino worker ukon ROF’s makarun nga nagahieapit eun lang ro kapaskwahan.
Suno kay Civil Aviation Authority of the Philippines ukon CAAP-Aklan manager Engr. Eusebio Monserate Jr. nga makarun hay nakabatun eun ro andang taeatapan it proposisyon maghalin sa mga airline companies nga nagahingyo it dugang nga schedule sa andang flight pasueod ag paguwa sa probinsya.
Sa pihak kara, ro gobyerno probinsyal sigon ro may kinamatarong nga mag-apruba kara.
Sa makarun hay ginapasugtan eun sa ginpaguwa nga Executive order ni Aklan governor Florencio Miraflores ro limang flights kada dominggo it Cebu Pacific.
Samtang may mga schedule flights man ro air asia.
Samtang sa pihak nga parte, ginapahisayod man ni Engr. Monserate sa publiko nga gina-usuyan eun makarun it QR Code ro mga pasahero nga nagasueod sa paeuparan.
Raya hay panibag-o nga pagsinueondan nga pagagamiton para sa mas madasig nga contact tracing bangud sa gihapon sa padayun nga paeag it cornavirus disease ukon COVID-19.
