Pormal eon nga igalunsar it Civil Aviation Authority of the Philippines (CAAP)-aklan ro andang Oplan Semana Santa 2023 umpisa sa abril 2 hasta 10 bilang pagpahaum sa pagdagsa it mga biyahero makaron nga nagahilapit nga semana santa.
Suno kay CAAP-Aklan airport manager Engr. John William Fuerte kasado eon ro andang seguridad nga igapatuman sa kalibo international airport bangud sa ginaeauman nga passenger influx umpisa sa abril 5, miyerkules santo.
Raya hay kasunod it andang ginpatigayon nga pueong kaibahan ro mga airport stakeholders ag natungdan nga ahensiya it gobyerno.
Dugang pa it CAAP nga magadugang sanda it security measures agud nga masiguro ro kaeowasan it mga pasahero ag maging maayos ro operasyon it paeuparan.
Nagtukod man it mga malasakit help desk sa parehong arrival ag departure area agud nga insigidang maaksyunan ro issues and concern it mga pasahero.
Sa pihak nga parte, owa pa sigon sanda nakabaton it abiso nga makaangkon it dugang nga domestic ag international flights.
Apang, ginaeuman nga sa masunod nga domingo hay haeos fully-booked eon ro biyahe it mga eroplano.
Sa makaron ro kalibo airport hay nagabaton it tatlong international flight nga puro nagahalin sa Incheon, South Korea.
Sa buean it Mayo ukon Hunyo hay posibleng makaangkon man it direct flight halin sa Taipei, Taiwan.
Ginahueat man sigon nanda ro kumpirmasyon sa pag angkon it direct flight halin sa China sa ikaywang quarter it dag-on,
Ro paeuparan hay naga-angkon man it an-um nga domestic flights kada adlaw
