-- ADVERTISEMENT --
Nag-isyu ro Civil Aviation Authority of the Philippines (CAAP) it Notice to Airmen (NOTAM) matapos ro phreatic eruption it bulkang Bulusan.
Sa advisory, ginapadahan it CAAP ro mga pilotong maga-agi sa Bulusan Volcano.
Ro NOTAM hay notice halin sa CAAP para alertuhon ro mga aircraft pilots bangud sa peligro sa andang flight route ukon location nga posibleng magbutang sa aeang-aeang sa seguridad it mga eroplano.
Suno sa CAAP, ro NOTAM hay epektibo eon kahapon it alas-12:21 it hapon hasta alas-11:00 it agahon makaron nga adlaw it Lunes.
