KALIBO, Aklan—Eubus ro kalipay it mga ginikanan ni Cadet 1CL Krystlen Ivany Quemado matapos nga imaw ro ginkilaea bilang valedictorian it Bagsik Diwa Class 2022 sa kakatapos eamang nga graduation it Philippine Military Academy sa probinsya it Baguio.
Suno kay Col. Nick Quemado, uwa sanda it naging duda sa intellectual aspect it andang onga bangud nga sanay eon sanda nga permi raya nga nagapanguna sa klase apang eubus gid ro andang paghanga sa onga bangud nga hasta sa pagtapos sa akademya hay nagpanguna gihapon raya sa 214 ka mga graduates.
Ko una sigon hay bukon man it handom ni Krystlen nga magsueod sa akademya apang naexpose sigon imaw sa field it anang trabaho ag ko ulihi hay naengganyo nga magbueo it exam hasta nga napasa nana raya.
Bilang mga ginikanan hay suportado sanda sa daeaga rason nga gin-enroll nanda raya sa gym sa sueod it sang buean agud nga mapreparar sa physical nga aspeto.
Si Krystlen hay posibleng magsueod sa Philippine Navy matapos nga mahakot ro nagkaeain-eain nga award.
