Kalibo Aklan ————Sa ikaywang kahigayunan matapos ro haeos daywang dekada, uman nga magadesisyun ro mga botante sa California U.S.A kung ayhan andang pahalinon sa puwesto ro andang gobernador sa matabo nga recall election makarun nga adlaw.
Sa pihak kara, ginpahayag ni Bombo International Correspondent Greg Aguilar it California U.S.A nga mabahoe ro tiyansa nga magapabilin sa anang puwesto si Democratic Gov. Gavin Newsom.
Raya hay bangud nagaguwa sigon sa ginpatigayon nga survey nga haeos 80 porsiyento it mga pomoeuyo ro nagapabor nga magpabilin sa anang puwesto ro nasambitan nga gobernador.
Daywa eamang sigon ro pagapilian it mga botante kung magaboto raya it “Yes ukon No”.
Kung “YES” hay nagakahueogan eamang nga nagapasugot rayang pahalinon sa anang puwesto ni Newsom samtang kung “NO” hay nagapahayag eamang nga raya it pagpamaeabag.
Dugang pa kara nga may kapin eun sa 40 nga kandidatura ro nagahueat nga magbueos sa puwesto it gobernador engkaso nga raya hay mapiyerdi sa ginapatigayon nga botohan.
