Ginpabalik it Tesla ro masobra 48,000 nga mga kotse nga Model 3 Performance vehicles sa Estados unidos bangud sa kawad-an sigon it display speedometer samtang naka “Track Mode.”
Sandig sa recall orders, raya hay ginakaeakipan it mga saeakyan maghalin sa 2018 hasta it 2022 model years.
Ginapahayag nga ro Tesla hay magapatigayon it over-the-air software update para sabaton ro mga isyu.
Gin-aku man it Tesla nga nagkasaea sigon ro ginatawag nga firmware update sa speed unit maghalin sa user interface.
Ro US National Highway Traffic Safety Administration hay nag-abiso eon man nga owa sigon nag-comply sa federal motor vehicle safety standard ro nasambit nga mga modelo.
Kung ro mga drivers sigon hay owa it kasayuran kung mauno eon it dasig ro andang padaeagan hay posible raya nga maging rason it pagtaas it numero it mga aksidente.
