Nag-eogdang ro sangka Liberian-flagged cargo ship nga may kargang mga peligrosong kemikal sa bahin it kaeawran it Kerala, India.
Sakay it nasambit nga barko ro 24 nga tripulante halin sa nagkaeain-eain nga nasyon kaibahan eon ro Georgia, Russia, Ukraine, ag Pilipinas nga eowas nga na-rescue it mga awtoridad.
Nasayuran nga ro nasambit nga cargo ship ukon MSC ELSA 3 nga may 184 metro ro haba hay naga-eayag halin sa Vizhinjam paadto it Kochi kat raya hay magpadaea it distress signal.
Nakit-an ro barko gamit ro mga eroplano it Indian Navy sa 38 nautical miles southwest it Kochi nga naga-eotaw sa sangka delikadong posisyon.
Ginpahayag it Indian Ministry of defense, 640 containers ro karga it barko nga ginakaeakipan it 13 hazardous containers ag iba pang 12 nga may sueod nga calcium carbide, kemikal nga ginagamit sa pag-obra it abono ag saesaeon.
Mag-eowas kara, kapin sa 370 toneladang langis ag fuel ro iba pang karga apang uwa pa it nakit-ang oil spill sa lugar.
Samtang, nakahaom mat-a ro Indian Coast Guard para sa posibleng pollution response kontra sa paeag it oil spill sa kaeawran it Kerala.
