Carla Abellana, naga-ayos eon it annulment papers para sa pakikipagbueag sa mister nga si Tom Rodriquez

SHOWBIZ News —- Ginbulgar it sangka  showbiz talk show host nga si Cristy Fermin nga gina-ayos eon it aktres nga si Carla Abellana ro mga dokumento para sa annulment nanda it asawang si Tom Rodriguez.

Gusto eon sigon ni Carla nga tapuson ro andang tatlong buean nga  marriage life it aktor.

Nagapabilin nga kipo ro bibig it daywa sa estado it andang relasyon.

Sa makaron hay nagapabilin sa  Amerika si Tom samtang nagapa-obra man it anang baeay si Carla sa Pilipinas.

Madumduman nga bagsak presyong ginabaligya ni Carla ro Condo Unit nanda  ni Tom.

Oktubre ginkasae ro daywa, apang makataliwan ro tatlong buean hay naging matunog ro balita nga nagbueag eon ro daywa bangud sa gina-alegar nga  pakikipag-one night stand ni Tom.