Target ni two-time Olympic champion Pinoy gymnast Carlos Yulo nga maangkon ro kauna-unahang bueawan nga medalya sa Asian Games nga pagahiwaton sa Aichi-Nagoya, Japan sa buean it Setyembre.
Magasabak imaw men’s artistic gymnastic competition kun sa siin makaibahan nana ro anang manghud nga si Eldrew Yulo ag pilang Pinoy gymnasts nga sanday Justine Ace De Leon, Miguel Besana ag Zachary Cortins Nunez.
Maskin nga may una eon nga 12 gold medals sa Asian Championship hay owa pa naangkon ni Yulo ro gold medal sa Asian Games.
Ko 2018 Asian Games hay nagpanguna si Yulo sa qualification it floor exercise pero naging pampitong puwesto sa final.
Owa nakahampang ro Filipino gymnast ko 2023 Asian Games sa Hangzhou, China matapos nga mas ginpili nana nga mag maglaro sa World Championships sa Belgium.
Nagiging paborito makaron si Yuo nga magadaog sa Asian Games floor exercise ag vault category.
