KALIBO, Aklan—Naga-abot sa haeos 1 million pesos ro iga-release nga cheke it Provincial Employment and Services Office ukon PESO-Aklan makaron nga adlaw it Huwebes, Hulyo 22 para sa mga Overseas Filipino Worker (OFW) ag benepisyaryo it Overseas Workers Welfare Administration (OWWA).
Suno kay Ms. Vivian Ruiz-Solano, manager it PESO-Aklan nga kaibahan nanda sa pag-release it sangka representante maghalin sa OWWA region 6.
Kapin sa 50 ka mga recipient sigon ro nakataeanang magbaton it cash assistance halin sa taeatapan.
Raya hay halin sa nagkaeain-eain nga kategorya nga ginakaeakipan it Balik-Pinas, Balik-Hanap Buhay, medical assistance, death benefit, burial assistance ag iba pa.
Dugang pa ni Solano nga gintunga-tunga nanda ro oras sa pag-adto it mga receipient agud nga malikawan ro mass gathering kamana man nga ma-mintina ro social distancing.
Kumpyansa si Solano nga mabaton eon it mga benepisyaryo ro andang cheke agud sa andang uman nga pag-umpisa sa tunga it padayun nga paeag it pandemya.
Naga-abot man sigon it kapin sa 120,000 pesos ro sarang mabuoe it sangka benepisyaryo maghalin sa banwa it Banga para sa death benefit ag burial assistance.
