Ginpahayag it Bangko Sentral ng Pilipinas (BSP) ro pagtaas it cash remittance it mga Pilipino it hasta sa 2.8% halin Enero hasta ko buean it Abril.
Suno sa Bangko Sentral ng Pilipinas, umabot sa $10.782 billion dollars ro nailista kara nga remittance ko Abril, samtang umabot eamang sa $2.485 billion dollars ro nailista ko Abril it nagtaliwan nga dag-on.
Namonitor it ahensiya ro pagtaas sa income transfers it kaparehong mga land-based ag sea-based OFW.
Para sa mga land-based overseas Filipinos, umabot sa $8.53 billion dollars ro nailista nandang remittance samtang umabot eamang sa $8.27 dollars ro nailista nanda ko 2023.
Raya hay mas mataas it 3.2%.
Samtang, ro mga sea-based workers hay nahimo nga makapag-transfer it $2.25 billion dollars, mas mataas it 1.5% kumpara sa $2.22 billion dollars ko nagtaliwan nga dag-on.
Sa pihak kara, nakitaan man it pagtaas sa ‘personal remittance’ it mga overseas Filipinos sa kaparehong period kon sa siin umabot raya sa $12.010 billion dollars.
Raya hay mas mataas it 2.8% kumpara sa $11.677 billion dollars ko nagtaliwan nga dag-on.
Suno pa sa Bangko Sentral ng Pilipinas nga ro mga remittance nga naghalin sa Saudi Arabia ag Singapore hay ro may pinakamabahoe nga kontribusyon sa nailistang pagtaas it remittance.
