Makasambuwa eon ni dating WBO bantamweight champion John Riel Casimero si Japanese veteran boxer Ryo Akaho.
Gin-anunsiyo it Ormoc native ro nasambitang hampang sa maabot nga Disyembre 3.
Gina-ayos pa it mga raya ro andang hampang kon siin posibleng igapatigayon sa Japan ukon sa South Korea.
Halin sigon kat pyerdihon nana si Guillermo Rigondeaux ko Agosto 2021 hay uwa pa raya nakahampang.
Madumdumang nakataeana kunta nana nga depensahan ro anang WBO crown kontra sa mandatory challenger nga si Paul Butler apang nagkaproblema raya sa anang timbang rason nga ginkakasan imaw it titueo.
Si Akaho hay 39 nga daog, daywang pyerde nga may 26 knockouts.
Samtang may 31 nga daog, ap-at nga pyerde ag 21 knockouts si Casimero.
Dugang pa ni Casimero nga kon magdaog raya hay posibleng makaatubang nana si Naoya Inoue.
