Nagpanawagan si House Deputy Minority Leader ag ACT Teachers Party-list Representative France Castro it sangka komprehensibong imbestigasyon angot sa mga anomalya sa Department of Education (DepEd) sa idaeom it pagdumaea ni Vice President Sara Duterte.
Ro apela nga imbestigasyon ni Castro hay kasunod it ginbulgar it dati ag presenteng opisyal it DepEd nga nakabaton sanda it envelope nga may sueod nga kwarta maghalin kay Duterte ag ro kuwestyunableng paggamit it confidential funds.
Ginpahayag ni Gloria Mercado nga kada buean imaw nagabaton it envelope nga may sueod nga tig-P50,000 kat imaw ro naging Head of Procuring Entity (HoPE) it DepEd.
Suno mat-a kay dating DepEd Bids and Awards Committee (BAC) Chairperson Resty Osias nakabaton man imaw it mga sobre nga may sueod nga P12,000 hasta it P15,000 pesos.
Nagpanawagan si Castro sa anang kaparehong mamalidha nga suportahan ro ginaduso nana nga imbestigasyon.
