KALIBO, Aklan–Nagpanindugan si Aklan 1st District Representative Carlito Marquez nga bukon pa it haum ro Caticlan Airport nga magbaton it international flight.
Raya hay kasunod it plano it San Miguel Corporation nga magbukas it international flights halin sa Taiwan.
Suno sa kongresista, kueang pa ro pasilidad sa nasambit nga paeuparan ag owa pa it nagakaigo nga permit nga magbaton it international flight.
Posible eamang sigon raya nga matabo engkaso nga maging kwalipikado sanda base sa assessment it Civil Aviation Authority of the Philippines (CAAP).
Gin-insister pa kara nga tanan nga mga foreign travelers hay naga-agi sa Bureau of Immigration ag Bureau of Costums kung siin ro opisina hay makit-an sa bahin it Kalibo International Airport.
Nagapati man imaw nga mabahoe ro epekto kara sa Kalibo engkaso nga mapasugtan ro plano it nasambit nga kompanya.
Makaron pa eamang sigon hay makaeueooy eon ro paeuparan sa Kalibo bangud haeos tanan nga domestic flight hay idtu nagahugpa sa Caticlan Airport.
