KALIBO, Aklan—Nagapabilin nga naka-full alert status ro pulisya sa bilog nga probinsya it Aklan.
Raya hay may kaangtanan sa mahabang bakasyon bangud sa Semana Santa.
Suno kay Patrolman Lhar Talaga, Asst PCR PNCO it Caticlan Airport Police Station nga nataeopangdan ro pagtaas sa numero it mga pasahero sa Godofredo P. Ramos Airport.
Sa kamatuoran suno kay Patrolman Talaga nga umabot it 40 flights sa sueod it sang adlaw nga nagdaea it masobra man sa limang libong pasahero nga puro domestic tourist patabok sa isla it Boracay.
Sa pihak kara, uwa man sanda it nabaton nga report ukon anumang untoward incident maghalin sa andang area of responsibility.
Nagapabilin nga tayuyon ro byahe it mga eroplano kon sa siin kaeabanan nga mga pasahero hay mga nagabakasyon sa Boracay.
Dugang pa ni Patrolman Talaga nga makaron nga adlaw hay ginaeauman eon ro pagbuhos it mga pasahero sa paeoparan agud nga makauli sa andang mga probinsya ag syudad kasunod sa pagtapos it holidays.
