Gintawag it Catholic Bishops’ Conference of the Philippines (CBCP) bilang kadaeag-an it pagtuo, hustisya, ag suporta it komunidad ro daeayon nga pagbalik it nasyon ni Mary Jane Veloso.
Nasayuran eon nga nakabalik si Veloso sa Pilipinas matapos ro haeos masobra sang dekadang pagkakulong sa Indonesia.
Suno kay Antipolo Bishop Ruperto Santos, ro nagaserbing vice chairman it CBCP Episcopal Commission for the Pastoral Care of Migrants and Itinerant People, ro homecoming ni Veloso hay simbolo it pag-eaum ag ro gahom it pangamuyo.
Sambilog man raya nga mapinuslanon nga tikang bangud sa naisabay raya sa International Migrants Day.
Apang, uwa dikara nagatapos ro pakikipagsukoe para kay Veloso bangud sa kinahang-ean pang magbueoligan sa pagpangamuyo para daeayon nga mataw-an si Mary Jane it clemency.
Sa pagbalik ni Veloso sa Pilipinas, uman kara nga ginpanindugan ro pagiging inosente ag pagkabiktima halin sa mga sindikato it human ag drug trafficking.
Si Veloso hay unang na-sentensyahan it drug trafficking ko 2010 sa Indonesia matapos raya nga madakpan it masobra sa 2.6 kgs it heroin nga ginatantyang nagabalor it $500,000.
Ro nasambit nga kontrabando hay ginapatihan nga halin sa mga drug syndicate nga konektado sigon sa anang mga recruiter.
