Gin-engganyo it Catholic Bishops’ Conference of the Philippines (CBCP) ro mga tumueo-o nga tinguhaon ro “digital media fasting” makaron nga Semana Santa bilang pamaagi it mas madaeom nga pagpangamuyo ag pagpamaeandong.
Suno kay Most Rev. Gilbert A. Garcera D.D, CBCP President, ro temporaryong pag-eayo sa gadgets ag social media hay makabulig agud mabuhinan ro distraksiyon ag mapabaskog ro kaangtanan sa Diyos ag kapareho.
Ginsuhestyon nana ro simpleng tikang kaparehasit paglikaw sa paggamit it cellphone antes magkatueog ag pagkabugtaw, paglimita it social media, ag pag-angkon it gadget-free nga pagkaon ag pagtililipon.
Samtang, sa tunga it Middle East tension, gin-engganyo nana ro tanan nga magbuylog sa pagpangamuyo para sa kalinungan it bilog nga kalibutan.
