KALIBO, Aklan—Ginpaathag makaron it Caticlan‐Boracay Transport Multi‐Purpose Cooperative (CBTMPC) ro andang rason kon ham-an it uwa sanda nagpatuman it fare adjustment sa pihak nga ginpaidaeom eon sa Alert Level 1 status ro bilog nga probinsya it Aklan kon siin ginapasugtan eon ro full seating capacity sa transportasyon.
Ginpahayag nga antes pa sigon ro COVID-19 pandemic, nag-apply eon sanda nga makaangkon it fare increase maghalin sa P40 hay pagahimuon raya nga P50.
Raya hay bangud sa sigidas nga pagtinaas it presyuhanay it produktong petrolyo.
Mag-eowas kara, naging pakalisod man kanda ro pag phase out it wooden-hull banca kon siin ginbayluhan raya it fiber glass nga fast craft nga tuman kamahae.
Ro ginbakae sigon nanda it bag-ong fast craft hay gin-utang pa it mga raya sa bangko nga hasta sa makaron hay padayon pa nandang ginabayaran pati ro interest.
