-- ADVERTISEMENT --
KALIBO, Aklan — Ginabawae eonman sa mga empleyado eabi eon sa mga frontliners it Land Transportation Office (LTO) ro paggamit it cellphone sa oras it trabaho.
Sa interview it Bombo Radyo, ginpahayag ni LTO Regional Director Roland Ramos nga nakabaehag sa anang ginpaguwa nga memorandum nga pagapasugtan eamang ro mga empleyado it LTO nga gumamit it andang cellphones kon oras it andang break ag bukon it samtang nagatrabaho ukon sa atubang it mga kliyente.
Tuyo man sigon kara nga malikawan ro fixer ag iba pang iligal nga hilimuon.
Nagpaandam si Ramos nga ro mga indi magasunod nga empleyado hay pagapapanaugan it warning sa first offense samtang sa ikaywang pageabag hay posibleng magapangatubang sa suspension sa trabaho.
