Aminado makaron ro Boston Celtics nga problemado sanda kung paano mausoyan it nagakaigo nga sulosyon ro pagbaeabag sa ginapakitang kabilib-bilib nga performance it Golden State Warriors superstar nga si Stephen Curry.
Tag natigayon nga magdaog sa Game 4 ro warriors maabu ro napabilib kay Curry sa anang ginpakita bilang legendary performance matapos magkalista it kapin sa 40 points.
Makaron nga adlaw man igapatigayon ro Game 5 nga maga-umpisa it alas-9:00 it agahon kung siin makabig nga crucial ro hampang bangud patas eon ro serye sa tig-daywang daog.
Sin-o man sa Warriors ag Celtics ro magadaog hay sambilog nga daog eon lang rayun kinahangean para ma-ibuesa ro NBA Finals crown sa best-of-seven series.
Sambilog man sa naisip ni coach Ime Udoka it Boston hay ro paglatag it mas pisikal nga hampang ag pagbantay NBA scoring champion kamana man ro pagatigayunon nga todo pressure kay Curry sa three-point areas.
Apang, apisar nga mabaeabagan it Boston si Curry sa three-point ro problema man it Boston hay kung makatakas si Curry ag maboue kara ro ginatawag nga rhythm bangud puwede man raya nga magpuntos maskin siin nga areas.
Sa pihak nga parte, kung indi man makapuntos si Curry, delikado man sa gihapon imaw nga pagkaplayer bangud sa ablilidad kara nga playmaker.
