Nagapati ro mga eksperto nga ro bag-ong BA.2.75 ukon Centaurus omicron subvariant hay posibleng nakasueod eon it nasyon.
Raya hay nagguwa matapos ro mga paghuna-huna it posibleng pagbalik it peak it COVID-19 cases kasunod it padayon nga nagatinaas nga kaso it Covid-19.
Kung siin nakalista ro nasyon it kapin sa sa 3,389 new cases it COVID-19, ro pinakamataas maghalin ko nagtaliwan nga Pebrero 12; sa mga bag-ong kaso, 1,169 ro maghalin sa Metro Manila.
Samtang, nagapati si Dr. Guido David, OCTA independent research group nga posibleng magtaas pa ro mga kaso it nasambit nga sakit hasta Agosto, kasunod it pag-umpisa it school year.
Sa pihak nga parte, apisar nga owa ginkumpirma it mga awtoridad ro presensya it subvariant sa andang pinaka-ulihing report it genome sequencing, ginpahayag ni Solante nga owa nana ginabalewala ro g ideya nga posibleng nakasueod eon ro Centaurus sa nasyon.
