-- ADVERTISEMENT --
KALIBO, Aklan — Nagpanawagan ro grupo it mga negosyante sa isla it Boracay nga mataw-an it naga kaigong updates sa gina patigayung rehabilitasyon it inter-agency task force.
Sa interview it Bombo Radyo, gin pahayag ni Nenette Aguirre-Graf, Sangguniang Bayan member it Malay ag miyembro it Boracay Foundation Inc. (BFI) nga kinahangean nanda sa makaron it centralized helpdesk nga makasavat sa pilang ka mga pangotana.
Dapat sigon nga makaibahan sanda sa rehabilitation plans agud masayuran ro status it andang trabaho, timelines, mga madason nga plano ag mga sabeag sa proyekto kun may una man.
Indi sigon nanda kinahangeang mag-speculate bangud masami sandang nakakabo-oe it impormasyon sa social media ag local media.
