-- ADVERTISEMENT --
KALIBO, Aklan–Nagpagguwa it advisory number 2 ro Coast Guard Station (CGS)-Aklan matapos nga magpagguwa it gail warning ro PAGASA.
Suno kay Dominador Salvino, Deputy Commander for Operations it CGS-Aklan nga umpisa kahapon hay nagpatuman sanda it kanselasyon sa tanan nga sea sports activity sa isla it Boracay ag biyahe it mga maisot nga motorbanca patabok it Romblon vice versa.
Tuyo kara nga masiguro ro kaeuwasan it mga turista ag byahero.
Presenteng mabatyagan suno kana ro mabaskog nga hangin sa isla.
Sa oras sigon nga bue-on eon it weather bureau ro ginpagguwa nga gail warning hay insigida sanda nga maga-isyu it panibag-ong advisory sa pagresume it mga sea sports activity ag byahe it nasambit nga motorbanca.
-- ADVERTISEMENT --
