-- ADVERTISEMENT --
KALIBO, Aklan–Naka-heightened alert eon ro Coast Guard Station (CGS)-Aklan para hugut nga ipatuman ro “Oplan Ligtas Biyahe 2022” makaron nga tyempo it Kapaskwahan.
Suno kay Dominador Salvino, Deputy Commander for Operations it CGS-Aklan nga presente sanda nga nagapatigayun it maidid nga monitoring ag inspeksyon sa mga pagguwa ag pasueod nga mga biyahero.
Partikular sigon nanda nga ginatutukan ro influx it pasahero nga nagadungka sa Caticlan Jetty Port ag Boracay para masiguro ro euwas nga pagbyahe.
May kaibahan man sigon sanda nga K-9 dog sa pag-inspekyon agud nga maisguro nga owa it makaeusot nga anumang kontrabando sa pantalan.
