KALIBO, Aklan — Gin-engganyo ni Tourism Secretary Bernadette Romulo-Puyat ro publiko nga maging responsabling turista.
Sa programa it Boracay reopening, ginpahayag ni Puyat nga raya ro yabe agud maalagaan ro nagapangunang tourist destination sa nasyon.
Natun-an sigon sa ginhimong paglimpyo ag rehabilitasyon sa isla sa sueod it an-om nga buean ro pag-balanse it development ag pag-alaga sa palibot.
Dapat man sigon raya nga ipatuman sa iba pang island destinations sa nasyon.
Ro binit it baybayon sigon nga masaksihan makaron hay ro baybayon sa Boracay, kapin sa 30 anyos eon ro nakataliwan.
Ginpasaeamatan man ni Puyat ro mga stakeholders ag ro “political will” rason nga nakaangkon it pagbag-o.
Sa pihak nga parte, ginpahayag ni Environment Secretary Roy Cimatu nga ro chairmanship it Boracay inter-agency task force hay igasaylo eon sa Department of Tourism (Dot).
